专家拆局：李城未回气让唔起斯拉维亚

李城未回气让唔起斯拉维亚

欧霸盃32强首回合，布拉格斯拉维亚主场迎战李斯特城，捷克球队布拉格斯拉维亚今届赛事表现令人惊喜，分组赛3场主场更加全胜，包括击败德甲劲旅利华古逊。李斯特城上场英超恶斗完利物浦，可能回唔切气，让波有暗涌，宁愿博布拉格斯拉维亚让球主胜。

布拉格斯拉维亚本身有得踢欧联附加赛，可惜输波要「降呢」转战欧霸盃。然而，呢支捷克老牌球队喺欧霸盃表现并唔比主流联赛球队逊色，6场分组赛取得4胜2负，其中3场主场全胜，包括以1比0击败利华古逊，以3比2力挫法甲球队尼斯，所以即使今场对手係英超劲旅李斯特城，相信斯拉维亚都唔会太输蚀。

罗渣士踢欧霸例玩轮换

另一边厢，无可否认李斯特城整体人脚较佳，但佢哋首要目标都係争夺英超锦标，欧霸盃只属次要。事实上，「狐狸」领队罗渣士喺今届欧霸盃，往往会轮换阵容，首席射手占美华迪只曾两次上阵，其中1次仲係后备入替。更何况呢位34岁老将刚伤愈不久，加上今场係首回合，罗渣士可能收起佢，等次回合返主场再搏杀都唔奇。睇番李斯特城近2场欧霸作客都赢唔到，今场仲要让波，宁愿捧布拉格斯拉维亚让球主胜。